Pedas Lauf….

Alle Jahre wieder … kummt da Peda, mit eahm sei Beleuchtungslauf durch halb Strasshof. Wer Strasshof kennt, der was – des is long und do kaunma vü umadumrenna. Des Volk, a komisches, hot rund um des Christkindl imma gaunz besondere Lichtalan in de Fensta, aum Doch und eigentlich a sunst ibaroi aufghängt. Waun daun des gaunze aufraht wird, leichten in die ausländischen AKWs de Lampal und die Reaktoren forhn auffe auf tausend. Strom wiad do Kübln-weis verbraucht und de Stromzähla hängan ois Ventilatoren in de Vorzimmer.

Und daun kummt eigentli des wichtigste vom gaunzn Tog – de Bröterln (220 homma zaumgfressn wia nix), Bierli (de Brauerei brauchat hoit wieda des Leergut sunst gibts zu de Feiatog nix zum glucksn), Valosung (wieda Bierli) und irgendwöchane siassn Kugln (mit Rum, Schoko, Streisln usw.).

Mia hots guad gfoin…